Guðbjörg Hjálmarsdóttir

Ég er fædd og uppalin í Hafnarfirði og minn helsti starfsvettvangur hefur verið í heildsölu- og verslunargeiranum frá 1990.

Frá mars 2005 var ég verslunarstjóri í Sigurboganum Laugavegi 80 alveg þar til þeirri verslun var lokað 2019.

Svo var ég svo einstaklega heppin að fá tækifæri hér í Bernharð Laxdal, ég gæti ekki verið heppnari með samstarfsfólk og vinnuveitendur. Mér líður eins og ég hafi alltaf verið hér. Svo er líka svo gaman að selja fallega og vandaða vöru eins og Laxdal býður uppá.

Ég get ekki sagt annað en ég hlakki alltaf til að mæta í vinnuna og aðstoða viðskiptavini á öllum aldri við val á fallegum fatnaði og tala nú ekki um þegar maður finnur að viðskiptavinurinn er ánægður og fer glaður út úr búðinni.